Azıada-2017: Elena Kolomına jeńisinen keıingi áserimen bólisti
SAPPORO. QazAqparat - Búgin Sapporo qalasynda ótip jatqan VІІІ qysqy Azııa oıyndarynda júldege ıe bolǵan shańǵyshy Elena Kolomına jeńisinen keıingi áserimen bólisti, dep habarlaıdy Sapporodaǵy QazAqparat tilshisi.
«Búgin el qorjynyna alǵashqy júldeni salǵanyma qatty qýanyshtymyn. Bizdi qoldap, qýattap jatqan otandastaryma alǵysym sheksiz. Tipti, elimizdiń Olımpıada komıtetiniń prezıdenti Tımýr Qulybaev myrzanyń ózi bizge qoldaý kórsetý úshin osy jarys alańyna kelipti. Bul bizge úlken úmit artqanynyń belgisi. Men sol úmitti aqtadym. Alaıda, altyn alýǵa sál ǵana sátsizdik jetispedi. Bul joly qytaı qyzy menen aılasyn asyryp ketti. Barlyqtaryńyzǵa rahmet! men qazir tolqyp turmyn», - dep aǵynan jaryldy.
Esterińizge sala keteıik, búgin shańǵydan áıelder arasynda klassıkalyq stıldegi sprınttik jarystan Elena Kolomına qazaqstandyq sportshylardan alǵashqy bolyp kúmis júldeni jeńip aldy.
Bul saıysta qytaılyq Dandan Man jeńiske jetse, qola júldeni aýstralııalyq Keısı Raıt ıelendi.
foto: Іzturǵan Aldaýev
