Azıada-2017: Denıs Ten qysqa baǵdarlamada toǵyzynshy oryn aldy
SAPPORO. QazAqparat - Búgin Japonııanyń Sapporo qalasynda ótip jatqan VІІІ qysqy Azııa oıyndarynda Denıs Ten qysqa baǵdarlamasyn toǵyzynshy orynmen aıaqtady, dep habarlaıdy Sapporodaǵy QazAqparat tilshisi.
Qazaqstandyq mánerlep syrǵanaýdyń juldyzy, Sochı olımpıadasynyń qola júldegeri Denıs Ten Azıada-2017 oıyndarynda qysqa baǵdarlamasyn toǵyzynshy orynmen aıaqtady.
Ten muz aıdynyna shyǵa salyp bir ret qulap qaldy. Osy sátsizdikti tóreshiler qalt jibermeı, oǵan bar-joǵy 72,98 ball berdi.
Al odan buryn taǵy bir qazaqstandyq mánerlep syrǵanaýshy Abzal Rahymǵalıev óz ónerin ortaǵa salǵan bolatyn. Ol 54,80 ball jınap 14- orynǵa taban tiredi.
Bul jarysta qytaılyq sportshy Djın Boıang - 92,86 upaı jınap, jeńimpaz atandy. Ekinshi oryn Ýno Shoma - 92,43 upaı jınady, al úshinshi oryndy taǵy bir qytaılyq sportshy ıAn Han - 91,56 ıelendi.
Eske sala keteıik, Denıs Ten jaqynda ǵana Almatyda ótken 28-qysqy Ýnıversıadanyń chempıony atanǵan bolatyn. Onda qysqa baǵdarlama boıynsha 94,91 upaı nátıjesimen kósh bastap turǵan. Al erkin baǵdarlamada tóreshiler qazaqstandyqqa 172,06 upaı berdi. Eki baǵdarlamanyń qorytyndysy boıynsha, Ten 266,97 upaı jınap, birinshi oryn alǵan edi.
Foto: Danııar Maılybaev
