Azıada - 2011 sharasyn uıymdastyrýǵa 3,5 myń volonter tartylady
ASTANA. Qyrkúıektiń 24-i. QazAqparat /Jasulan Amanbaıuly/ - VII-shi Qysqy Azııa oıyndaryna stýdentter qatarynan 3,5 myń volonter tartylady. Bul týraly búgin Astana ákimdiginde Jastar isi jónindegi keńestiń otyrysynda Azıadanyń uıymdastyrý komıteti dırektsııasy volonterlik qyzmetiniń sarapshysy Inessa Saǵadıeva aıtty.
2011 jylǵy Azııa oıyndary kezinde barlyq sporttyq saıystarǵa volonterlerdi kóptep tartý kózdelgen.
I. Saǵadıevanyń aıtýynsha, Azıada barysynda stýdentter qatarynan tańdalyp alynǵan eriktiler uıymdastyrý, saltanatty rásim, tirkeý, aýdarma, kóńil kóterý jáne týrızm, kóliktik qamtamasyz etý, medıtsınalyq qyzmet, qaýipsizdik, qoǵammen baılanys jáne baspasóz, aqparattyq tehnologııalardy úılestirý, resmı tulǵalar men sportshylardy alyp júrý syndy shepterde qyzmet atqaratyn bolady.
«Qysqy oıyndarǵa jalpy sany 3,5 myń eriktini jumysqa tartý kózdelgen. Astanada olardyń sany 1,5 myń bolady», dedi I. Saǵadıeva.
Eriktilerdiń eńbegi tıisti túrde qamtylady, ıaǵnı olardy kólik qatynasymen, kıim-keshetermen jáne tamaqtandyrýmen qamtamasyz etý boıynsha dırektsııa jaýap beredi. Azıada aıaqtalǵannan keıin eriktilerge arnaıy qurmet gramotalary men sertıfıkattar tabystalady.
Qazirgi ýaqytta Qazaqstan volonteri tájirıbe jınaqtaý maqsatynda syrtqy qarym-qatynastardy ornatýda. I. Saǵadıevanyń aıtýynsha, otandyq eriktiler keleshekte Reseıdiń Qazan qalasyna ótetin ýnıversıadanyń uıymdastyrylýyna qatysyp qaıtady.
