Azıada-2011 oıyndarynyń taǵy bir bylyǵy ashyldy
ASTANA. QazAqparat - Almatyda 2011 jyly ótken 7-shi qysqy Azııa oıyndarynyń «Uıymdastyrý komıtetiniń Atqarýshy dırektsııasy» AQ-nyń Aqparattyq qamtamasyz etý departamentiniń Teleradıotaratý jáne medıatehnologııa basqarmasynyń burynǵy basshysy Aıdar Mýsınge qatysty qylmystyq is jańa faktilermen tolyqty, dep habarlaıdy Qarjy polıtsııasynyń baspasóz qyzmeti.
Qazirgi ýaqytta onyń ústinen Qylmystyq Kodekstiń «Zańsyz tabylǵan qarjyny nemese ózge de múlikti jekeshelendirý» baby boıynsha taǵy bir qylmystyq is qozǵaldy. Ol 2009-2011 jyldary aralyǵynda BMV 750 jáne Mersedes Bents E-250 kólikterin satyp alyp, ózine jekeshelendirip alǵan.
Eske sala keteıik, bunyń aldynda ol 2009 jyldyń tamyz aıynda «Q-Service» JShS quryp, ony týystarynyń atynan tirkep, merdiger uıym retinde 2009 jyldyń 9 qyrkúıeginen 2012 jyldyń 9 qazanyna deıin 1,4 mlrd teńge kóleminde qarjy aldy degen kúdikpen ustalǵan bolatyn. Sonymen qatar osy qarjynyń shamamen 600 mln. teńgesi Mýsınniń nusqaýymen jalǵan kásiporyndar arqyly jymqyrylǵan.
