Azıada-2011 nysandarynyń qurylys jumystary 85 paıyzǵa oryndaldy - uıymdastyrý komıteti dırektsııasynyń prezıdenti Anatóli Qulnazarov
STANA. Tamyzdyń 6-sy. QazAqparat /Jasulan Amanbaıuly/ - Azıada-2011 nysandarynyń qurylysy 85 paıyzǵa oryndaldy. Bul týraly búgin agenttik tilshisine 7-shi Qysqy Azııa oıyndary uıymdastyrý komıtetiniń atqarýshy dırektsııasynyń prezıdenti Anatóli Qulnazarov habarlady.
Onyń atap kórsetkenindeı, Balýan Sholaq atyndaǵy sport saraıy, «Medeý» kesheni tolyǵymen qaıta jóndeýden ótken. Al «Shymbulaq» bazasyndaǵy jumystar aıaqtalýǵa jaqyn.
Qalǵan nysandar 70-95 paıyzǵa aıaqtaldy. Sonyń ishinde Astanada salynyp jatqan velotrek jáne konkı tebý stadıony, Almaty oblysyndaǵy bıatlon jáne shańǵy sporty keshenderi, Almaty qalasyndaǵy tramplın qurylystary bar.
7-shi Qysqy Azııa oıyndary qarsańynda Astana men Almaty qalalarynda 11 sport túri boıynsha 10 sporttyq nysannyń qurylysy men qaıta jóndelýi qolǵa alynǵan bolatyn.
«Qarjynyń ıgerilýi jospar boıynsha júrýde. Keıbir nysandardyń qurylysyna qarajattyń jetispeýshiligi baıqalady. Ol suraqtar kúzde bıýdjetti talqylaý barysynda anyq bolady», deıdi A. Qulnazarov.
