Azıada-2011 nysandaryn elektrmen jabdyqtaý úshin 9 kishistansylar salynady jáne jańartylady,elektr taratý jelileri tartylady
ASTANA. Qańtardyń 15-i. QazAqparat /Damır Baımanov/ - Azıada-2011 nysandaryn elektrmen jabdyqtaý úshin 9 kishi stansylar salynady jáne jańartylady, elektr taratý jelileri tartylady. Bul týraly búgin QR Energetıka jiáne mıneraldyq resýrstar mınıstrliginiń keńeıtilgen alqa otyrysynda «Samuryq-Energo» AQ basqarma tóraǵasy Erlan Úpishev málim etti.
«Respýblıkalyq bıýdjetten bólingen qarajat esebinen Azıada nysandary men metropolıtendi jabdyqtaý úshin taǵy 9 kishi stansynyń qurylysy, jańartý jumystary bastaldy jáne elektr taratý jelileri tartylady», - dedi ol.
Bul kishi stansylardyń jalpy qýaty 1 020 megavatt bolmaq, kapıtal salymdarynyń kólemi 53 mıllıard teńgeden asady. Energetıka jáne mıneraldyq resýrstar mınıstrliginiń málimeti boıynsha, bıyl tórt elektr kishi stansylary paıdalanýǵa beriledi. E.Úpishevtiń aıtýynsha, jalpy alǵanda Almaty aımaǵyna 2010 jyly 61 mıllıard qarjy salý kózdelýde, sonyń ishinde kapıtal salymdary 50,7 mıllıard teńgeden asady. Ol mundaı aýqymdy ınvestıtsııalar qalaǵa buryn bólinbegenin atap ótti.
