Azıada-2011 alaýynyń Soltústik Qazaqstan boıynsha jolbaǵyty bekitildi
PETROPAVL. 20 qarasha. QazAqparat /Sergeı Kýznetsov/ - Azıada-2011 alaýynyń Soltústik Qazaqstan boıynsha jolbaǵyty bekitildi. Oǵan Petropavldyń 60 tarıhı, mádenı jáne óndiristik nysandary kirgen.
VІІ Azııa oıyndarynyń alaýy Soltústik Qazaqstan oblysyna Qostanaı aımaǵynan keledi. Soltústikqazaqstandyq alaý ustaýshylar 21 qańtar kúni jergilikti ýaqyt boıynsha 12.00-de «Abylaı han ordasy» murajaı kesheninen bastaý alady.
Oblys ortalyǵynyń kóshelerinde ótetin birinshi satysy Qazaqstan Konstıtýtsııasynyń kóshesi boıyndaǵy Abaı jáne Pýshkın eskertkishteriniń aldynda márege jetedi. Birinshi satyǵa 27 nysan kiredi, olardyń ishinde: Orýjeınıkov kópesiniń úıi, Jambylǵa, ushqysh-ǵaryshker Vladımır Shatalovqa arnalǵan eskertkishter, mádenı jáne áleýmettik nysandar - Qazposhta, oblystyq aýrýhana men kınoteatr, «Qyzyljar» ortalyq meshiti, iri saýda úıleri bar.
