Azıada-2011 Alaý estafetasy Óskemende ótip jatyr
ÓSKEMEN. 25 qańtar. QazAqparat /Lıýdmıla Malko/ - Osy saǵattarda Óskemenniń basty kóshelerinde 60 shyǵysqazaqstandyq alaýger Azıada-2011 alaýyn Estafeta baǵyty boıynsha «Vostok» stadıonynan Respýblıka dańǵylyna deıin alyp júrýde.
Alaýgerlerdiń saltanatty sherýine atty adamdar, mamandandyrylǵan kólik pen reporterler de erip keledi.
Keshe keshki alageýimde Azıada alaýy arnaıy reıspen oblys ortalyǵynyń áýejaıyna jetkizildi, ony jergilikti sport elıtasy, atqarýshy bılik pen aımaqtyń qurmetti azamattary qarsy aldy. Azıada-2011 Alaýy «qorǵaýshylardyń» kómegimen «Halyq banki» AQ fılıalyna jetkizilip, búgin tańerteń Shyǵys Qazaqstan oblysynyń ákimi Berdibek Saparbaev bastap bergen Alaý estafetasynyń kezekti satysy bastaldy.
Estafetany Shyǵys Qazaqstan oblysynyń Jarma aýdanynyń týmasy, Qazaqstannyń halyq ártisi Roza Rymbaeva jalǵastyryp áketti. Odan keıin Azıada alaýyn alyp júrý quqyǵyna osy aımaqtyń atqaminerleri, sport tarlandary men qoǵam, mádenıet, óner, bilim qaıratkerleri ıelendi.
Qalanyń basty dańǵyly boıynsha Respýblıka dańǵylyna deıin jetken alaýgerler Azıada alaýyn Ertis pen Úlbi jaǵalaýymen alyp júredi. Estafeta saltanatty sherýi Borıs Aleksandrov atyndaǵy Sport saraıynda aıaqtalyp, Alaý tostaǵanyn tutandyrý saltanaty men úlken gala-kontsert ótedi.
