AZIADA: 100 paıyz táýekelge barǵandyǵymnan radıýs boıynsha qaqpaǵa túspeı qaldym-D. Koshkın
ATY. 4 aqpan. QazAqparat - Aq Azıada aıasynda Almatydaǵy "Shymbulaq" taý shańǵysy bazasynda ótip jatqan sýperkombınatsııa jarysyndaǵy sýpergıgant kezinde altyn júldeden bsty úmitker bolǵan jerlesimiz Dmıtrıı Koshkın dıstantsııadan shyǵyp ketken bolatyn.
Aq Azıadanyń resmı saıty Dmıtrıı Koshkın osyǵan baılanysty pikirin berip otyr. "Men 100 paıyz táýekelge bardym. Jyldamdyǵym óte úlken bolatyn jáne bir jalaýshadan ekinshisine baratyn jolda oqys bulrylys kezdeskendikten, radıýs boıynsha qaqpaǵa túspeı qaldym", - dep túsindirdi jaǵdaıdy sportshy.
Onyń pikirinshe, keshegi jaýǵan qardan soń bári qaıtadan qalpyna keltirilgen "Shymbulaqtaǵy" trassa qazir keremet.
Esterińizge sala keteıik, Dmıtrıı Koshkın1 aqpan kúni ótken sýpergıgant slalomynda kúmis júldeger atanǵan bolatyn. Almatydaǵy "Shymbulaq" taý shańǵysy bazasynda ótken ol jarystardyń jeńimpazy I.Zakýrdaev qashyqtyqty 1 mınýt 4,61 sekýndta júrip ótse, Dmıtrıı Koshkın komandalasynan 0,66 sekýndqa qalyp qoıdy. Jeńimpazdar úshtigin Kım Vý Sýn (Kim Woosung) tuıyqtaǵan bolatyn. Onyń nátıjesi 1 mınýt 6,58 sekýnd.
Budan buryn habarlaǵanymyzdaı, sýperkombınatsııanyń birinshi túri - sýpergıgant slalomynan keıin jerlesimiz Igor Zakýrdaev kósh bastap keledi. Ol ushyna jalaýshalar baılanǵan jerge qadalǵan shybyqtardyń arasyna ótip, taýdan tómen quldılaý kezinde qashyqtyqty 1 mınýt 3,52 sekýndta baǵyndyrdy. Otandasymyzdan 0,88 sekýndqa qalyp qoıǵan ońtústikkoreıalyq sportshy ıÝn Donhıýn (Jung Donghyun) ekinshi ornynda keledi. Úshinshi orynda taǵy bir ońtústikkoreıalyq Kım Výsan (Kim Woosung) tur. Ol jarystyń lıderinen 1,61 sekýndqa qalyp qoıdy.
