Ajyrasýshylar sany 9 paıyzǵa artty - QR Statıstıka agenttigi
ASTANA. 15 sáýir. QazAqparat - Bıylǵy eki aıda 21 myń neke tirkeldi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Statıstıka agenttiginiń basshysy Álıhan Smaıylov málim etti.
«Qańtar-aqpanda AHAT organdarynda 21 myń neke tirkeldi. Ol byltyrǵy jyldyń tıisti kezeńimen salystyrǵanda 0,9 paıyzǵa kem. Sondaı-aq 8 myń ajyrasý oqıǵasy tirkelip, olardyń sany 9 paıyzǵa ósti»,-dedi agenttik basshysy.
