Ajyrasýlar sany 4,9 paıyzǵa ósti
ASTANA. 15 qańtar. QazAqparat - 2013 jylǵy qańtar-qarashada AHAT organdarynda 155,3 myń neke tirkeldi. Olardyń sany 2012 jyldyń sáıkes kezeńimen salystyrǵanda 1,5 paıyzǵa kóbeıdi. Bul týraly búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaıylov málim etti.
Atap aıtqanda, osy kezeńde 47,3 myń ajyrasýlar tirkelip, olardyń sany 4,9 paıyzǵa ósti. 1000 adamǵa shaqqanda ajyrasýdyń jalpy koeffıtsıenti 3,04-ti qurady.
Á. Smaıylovtyń sózine qaraǵanda, byltyrǵy qańtar-qarashada Qazaqstanǵa kelip tirkelgender sany 2012 jyldyń osy kezeńine qaraǵanda 16,6 paıyzǵa tómendep, 22 124 adamdy, sonymen qatar ketkender sany 19,2 paıyzǵa azaıyp, 22 618 adamdy qurady. Elimizdegi negizgi kóshi-qon almasýy TMD elderimen boldy.
