Ajyrasý nege azaımaı otyr? - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 27 mamyr, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

«Egemen Qazaqstan» gazetiniń búgingi sanynda «Ajyrasý nege azaımaı otyr?» atty maqala jarııalandy.

«Qazaqstan isker əıelder qaýymdastyǵynyń prezıdenti Raýshan Sərsembaeva otbasy, otbasylyq qarym-qatynas, otbasy qundylyqtaryn saqtaýǵa əser etetin oń jəne teris faktorlardy atap óte kele, statıstıkalyq məlimetterdi keltire ketti. Onda jylyna 360 myń balanyń dúnıege kelýi jaqsy kórsetkish bolǵanymen, ókinishke qaraı, jyldan jylǵa ajyrasý jaǵdaıy kóbeıip, tolyqqandy otbasy sany azaıýda eken. 2005 jyly ajyrasqan otbasy sany 35 834 bolsa, 2015 jyly 53 293-ke jetken. Zańdy nekede turmaıtyndardyń sany artýda. Bul ótken jylǵa qaraǵanda 6,6 paıyzǵa ósken. Nekesiz bala tabý kórsetkishi ósken. Kóp balaly otbasylardyń jaǵdaıy əli de məz emes», - delingen atalǵan materıalda.

***

Keshe Astana ekonomıkalyq forýmy óz jumysyn aıaqtady, dep jazady «Aıqyn» gazeti. Onyń «Qazaqstan» ortalyq kontserttik zaly kesheninde ótkizilgen negizgi is-sharasy - plenarlyq otyrysyna Prezıdent Nursultan Nazarbaev qatysyp, AEF minberi arqyly jahandyq ıdeıalaryn jarııa etti.

- Qazaqstan ekonomıkalyq jáne áleýmettik damý, óńirdiń jáne tutas álem­niń ál-aýqaty men órkendeýin qamtamasyz etý jónindegi syndarly ıdeıalar men kózqarastardy talqylaýǵa árdaıym ázir. Bıyl biz irgeli taqyryp - jańa ekonomıkalyq naqty ahýaldy qarastyramyz. Jańa naqty ahýaldyń qandaı bolatyny bizdiń tańdaýymyz ben áreketimizge tikeleı baılanysty, - dedi N.Nazarbaev.

Elbasy ekonomıkalyq ósimdi jan­dandyrý úshin barlyq qajetti jaǵdaı­lardy jasaý qajettigin atap ótti. Bul úshin tabystardy spekýlıatıvti qarjy­lyq quraldarǵa aýystyra bermeı, bilim berý, densaýlyq saqtaý jáne ınfra­qurylymǵa qaıtara ınvestıtsııalaǵan jón.

- Búginde sarapshylardyń baǵalaýy boıynsha, offshorlyq esep-shottarda 30-40 trıllıon dollarǵa deıin qarjy saqtalýda. Osy aktıvterge, tipti bir paıyzdyq jahandyq salyq engizý damý­shy elderdegi bilim berý men densaýlyq saqtaý salalaryn sapaly jańa deńgeıge kóterýge múmkindik berer edi. Bul salyq qarajattaryn joǵaryda aıtylǵan Adamı kapıtaldy damytý qoryna baǵyttaýǵa bolar edi. Halyqaralyq valıýta qory jáne Dúnıejúzilik bank jahandyq ekonomıkany deoffsho­rızatsııalaý boıynsha tıimdi sharalar usynýǵa tıis dep sanaımyn, - dep málim­dedi Qazaqstan Kóshbasshysy.

Sóz sońynda Memleket basshysy búgin­de tórtkúl dúnıede halyqaralyq dıalogtyń ártúrli formattary bar­lyǵyna, jahandyq jáne óńirlik ekonomıkalyq forýmdar ótkiziletinine nazar aýdartty. Tolyǵyraq, «Elbasy jahandyq Adamı kapıtaldy damytý qoryn qurýdy usyndy» atty maqaladan oqýǵa bolady.

Elbasy «Astana» halyqaralyq qarjy ortalyǵyn basqarý jónindegi keńestiń múshelerimen kezdesti. Bul týraly «Aıqyn» basylymy «Astana» halyqaralyq qarjy ortalyǵy tanymaldyqqa ıe bolady» atty maqalada xabarlady.

Keńes músheleri qatarynda EQDB prezıdenti S.Chakrabartı, JP Morgan Chase International dırektorlar keńesiniń tóraǵasy D.Frenkel, The Blackstone Group tóraǵasy ári negizin qalaýshylardyń biri S.Shvartsman, Reseı Sberbankiniń prezıdenti ári basqarma tóraǵasy G.Gref sııaqty bedeldi qarjy ınstıtýttarynyń basshylary bar.

Qazaqstan Prezıdenti Ortalyqty qurý isi elimizdiń ekonomıkasyn ártaraptandyrýǵa jáne onyń qazirgi jaǵdaıdaǵy ornyqtylyǵyn qamta­masyz etýge baǵyttalǵan qurylymdyq reformalar aıasynda júzege asyry­lyp jatqanyn atap ótti.
- Jobany zańnamalyq turǵydan qamtamasyz etý maqsatymen kons­tıtý­tsııalyq zań qabyldandy, ınves­torlardyń jumysy úshin teńdessiz jaǵdaılar jasaldy. Derbes format boıynsha qyzmet etetin jáne aǵyl­shyn quqyǵy qaǵıdattaryn qoldanýǵa, sheteldik sýdıalardy qatystyrýǵa negizdelgen arnaýly júıe jumys isteıtin bolady, - dedi Memleket basshysy.
Nursultan Nazarbaev Astana ha­lyqaralyq qarjy ortalyǵy búkil óńir úshin jumys istep, ýaqyt óte kele tanymaldyqqa ıe bolady dep úmit­tenetinin jetkizdi.

***

«Túrkistan» gazeti oqyrmandarǵa Іlııa Jaqanovtyń suxbatyn nazarǵa usynyp otyr. Qazaq mýzykasy men ádebıeti ulttyq rýhanııattyń qos qanaty desek, ekeýiniń arasyna altyn kópir ornatyp, biriniń syryn ekinshisi arqyly ashyp bergen belgili kompozıtor, jazýshy, óner zertteýshisi Іlııa Jaqanovtyń esimi dara atalady. «Edil men Jaıyq», «Aqtamaq», «Jaılaýkól keshteri», «Áselim-ánim» syndy syrly ánderimen qazaqtyń keń dalasyn terbetken, Atyraýdan Altaıǵa deıingi atyrapty túgel aralap, ulttyq mýzyka jaýharlaryn túgendegen kompozıtor jýyrda mereıli 80 jasqa keldi. Suxbat «Іlııa Jaqanov, kompozıtor: Tyńdarman maǵynasyz ánderden mezi boldy» atty taqyryppen berilip otyr.

«Eshýaqytta jeńil-jelpi án jazýǵa qu­mart­­qan emespin. Suhbat kezinde tilshiler «Estradaǵa kózqarasyńyz qandaı?» degen suraqty jıi qoıady. Bárine berer jaýabym bireý: Bıbigúl Tólegenova aıtqandaı, nól dep baǵalaımyn. Óıtkeni qazaqtyń minez-qulqyn, ádet-ǵurpy men saltyn, búkil bolmysyn ózgertip jibergen arzanqol, jeńil-jelpi ánderdiń zardaby búgingi jastardyń túkke turmaıtyn áláýlaıyna ulasty. Búgingi tyńdarman Batystyń yqpalymen jazylǵan mán-maǵynasyz ánderden mezi boldy. Eń soraqysy, arzanqol ánmen ataq shyǵaryp, «juldyz» bolýǵa qushtarlyq juqpaly indet sekildi jastardyń bárine juqty. Olardyń oryndap júrgenin qazaqtyń áni deýge bolmaıdy. Bul soraqy ánderdi qazaq mýzykasynyń, ulttyq ónerimizdiń qaterli isigi der edim», - deıdi І. Jaqanov suxbat barysynda.

***

Qazaqstan Danti atty jańa kıberqylmyskerler tobynyń áreketinen japa shekken elderdiń qatarynan tabylyp otyr, dep jazady «Ekspress K» basylymy.

«Reseılik «Laboratorıı Kasperskogo» sarapshylary sońǵy aılarda Ortalyq jáne Ońtústik-Shyǵys Azııa elderinde úlken belsendilikke ıe kıber shabýyldardyń tolqynyn baıqaýda. Olardyń áreketinen Qazaqstan, Ózbekstan, Qyrǵyzstan, Úndistan, Mıanma, Nepal jáne Fılıppın qoldanýshylary japa shegip otyr», - delingen «Danti po prozvışý krokodıl» atty maqalada.