Ajyrasqan nemis áıeli burynǵy kúıeýin jáne balasyn atyp óltirdi
ASTANA. Qyrkúıektiń 20-sy. QazAqparat - Keshe, jeksenbi kúni Germanııanyń ońtústik-batysyndaǵy Lerrah qalasynda ornalasqan aýrýhanaǵa basa-kóktep kirip, adamdarǵa oq atqan áıel, aldymen óziniń burynǵy kúıeýi men balasyn atyp óltirgen jáne olardyń úıin órtep jibergen.
Bul jóninde Lenta.Rý. habarlaıdy.
Osydan eki aı buryn kúıeýimen ajyrasqan 43 jastaǵy advokat Sabına R. qyrkúıektiń 19-ynda balasyn kórýge keledi. Aldyn ala málimetter boıynsha, sodan soń ol birinshi kezekte óziniń 46 jasar burynǵy kúıeýin atyp óltirgen, artynan úıdi órtegen. Qırandylardy tazartý kezinde órt sóndirýshiler eki adamnyń denesin tapqan.
Úıdi jaryp jibergen áıel, qolyna myltyq alyp, jergilikti ýaqyt boıynsha saǵat 18:10-da kóshege shyqqan da kezdeısoq adamdarǵa oq ata bastaǵan. Sonyń saldarynan eki adam jaralanǵan. Munysymen toqtamaǵan qylmysker Qasıetti Elızaveta aýrýhanasynyń ǵımaratyna ruqsatsyz engen. Kýálardyń aıtýynsha, áıel sanıtardy atyp óltirgen jáne bir polıtseıdi jaralaǵan.
Araǵa kóp ýaqyt salmaı oqıǵa ornyna jedel jetken arnaıy top pen qylmysker áıel arasyndaǵy qarýly atys barysynda Sabına R. oqqa ushty.
