«Ájimsiz júrek...» atty jyr jınaǵy jaryq kórdi
ASTANA. 4 jeltoqsan. QazAqparat - 7 jeltoqsan kúni Astanadaǵy «Qarjy akademııasy» AQ kolledjinde aqyn Erbol Beıilhannyń «Ájimsiz júrek...» atty jyr jınaǵynyń tusaýkeseri ótedi.
Bul týraly atalmysh oqý ornynyń baspasóz ortalyǵy habarlap otyr.
«Óleń ólkesine ózindik órnegimen kelgen aqyn Erbol Beıilhannyń esimi oqyrmanǵa etene tanys. Shuraıly til men shyraıly oıǵa toly ár jyry ǵasyrlar qundaǵynda qalǵan qazaqy bolmyspen bettestirer qudiretke ıe aqyn poezııasynyń «tamyry - tereńde». Týǵan jer, atamekenge degen perzenttik paryz, ómir týraly tolǵanys, sezim qylyn sherter mahabbat áýenderi toptastyrylǵan «Ájimsiz júrek...» jınaǵy - Siz ben Bizdi tirshilik kúıbeńderinen bir mezette arman álemine, qııal keńistigine jeteleıdi» delingen habarlamada.
E. Beıilhan respýblıkalyq birneshe jyr jınaqtaryna óleńderi engen, jyr múshaıralarynyń jeńimpazy. Tusaýkeser keshine elimizge tanymal aqyn-jazýshylar men ánshiler, ǵalymdar men qoǵam qaıratkerleri qatysady.
Sonymen qatar teatr akterlary aqynnyń óleńderin oqyp, ánshiler aqynnyń sózinde jazylǵan ánderdi oryndaıdy.
