«Ájeler shańyraǵy» ansambli Astana avtobýstarynda Jeńis kúnine arnalǵan ánderdi shyrqady
ASTANA. KAZINFORM – Jeńis kúni elorda avtobýstarynda jolaýshylar kútpegen mýzykalyq qoıylymǵa kýá boldy, dep habarlaıdy Astana qalasy ákimdiginiń resmı saıty.
Merekege oraı «Ájeler shańyraǵy» etnomádenı ansambli qoǵamdyq kólikte mýzykalyq quttyqtaý uıymdastyrdy. Ansambl músheleri soǵys jyldarynyń ánderi men qazaq halyq ánderin oryndady. Bul repertýar batyrlar erligin eske alýmen qatar, eldiń mádenı murasyn nasıhattaýǵa baǵyttaldy. Tanys áýender jolaýshylarǵa tosyn syı bolyp, merekelik kóńil-kúı týǵyzdy.
Ansambl ókilderiniń aıtýynsha, mundaı óner sharalary jyl saıyn ótkizilip, qalada dástúrge aınalyp keledi. Olar Jeńis kúnine oraı turǵyndardy óner arqyly quttyqtap, urpaqtar sabaqtastyǵyn kórsetýge tyrysqanyn atap ótti.
Jolaýshylar ónerpazdardyń oryndaýyn jyly qabyldap, birge án aıtyp, merekelik atmosferaǵa úles qosty.
Eske sala keteıik, buǵan deıin elordada Jeńis kúnine arnalǵan poıyzdar jolǵa shyqqanyn jazǵan edik.
