Ajar Salyqova Islam yntymaqtastyǵy oıyndarynda kúmis medal enshiledi

ASTANA. KAZINFORM — Djıý-djıtsýdan Qazaqstan quramasynyń ókili Ajar Salyqova Er-Rııadtaǵy (Saýd Arabııasy) Islam yntymaqtastyǵy oıyndarynda kúmis medalǵa ıe boldy, dep habarlaıdy Ulttyq olımpıada komıteti.

Otandasymyz 63 kelige deıingi salmaqta jeńis tuǵyrynyń ekinshi satysyna kóterildi.

Bul sanatta jekpe-jekter aınalmaly júıe boıynsha ótti.

Salyqova aldymen BAÁ sportshysy Shamma Alkalbanıge jol berdi, al keıin Aljır eliniń ókili Omranı Fadııany utty.

Osylaısha, Ajar Salyqova jalpy esepte ekinshi oryn aldy. 

Budan buryn qazaqstandyq semserlesýshiler Islam yntymaqtastyǵy oıyndarynyń fınalyna shyqqany anyqtaldy.