Ajar Ǵınııat: Vaktsınalaý - koronavırýstan saqtaıtyn jalǵyz shara
«Vaktsınalaýǵa toqtalatyn bolsaq, Memleket basshysynyń tapsyrmasy boıynsha osy jyldyń 1 aqpanynan bastap elimizde koronavırýs ınfektsııasyna qarsy erikti vaktsınalaý bastaldy. KVI-ǵa qarsy erikti vaktsınalaý tek kelisimmen jáne memlekettik bıýdjet esebinen tegin júrgiziledi. Vaktsınalaýǵa profılaktıkalyq egýge qarsy kórsetilimderi joq adamdar jiberiledi», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.
Onyń aıtýynsha, vaktsınalaý júrgizer aldynda dene qyzýyn ólsheýmen, epıdemıologııalyq anamnezdi jınaýmen, satýratsııany, júrek jıyrylýynyń jıiligin, arterııalyq qysymdy ólsheýmen, tynys alý jáne júrek-qantamyr júıesin aýskýltatsııalaýmen jáne jutqynshaqty tekserýmen dárigerdiń mindetti tekserýi júrgiziledi. Eger temperatýra 37°C-tan assa, vaktsınalaý keıinge qaldyrylady.
«Qazirgi tańda vaktsınalaý aldyn alýdyń jalǵyz tıimdi quraly bolyp tabylady. Búgingi kúni ol ımmýndyq-profılaktıkamen basqarylatyn ınfektsııadan, sonyń ishinde koronavırýs ınfektsııasynan saqtaıtyn alternatıvtik shara. Vaktsınalaý syrqattanýshylyqty tómendetýge jáne koronavırýstyq ınfektsııasy bar patsıentterdiń jaǵdaıyn jeńildetýge jáne tıisinshe odan bolatyn ólimdi tómendetýge múmkindik beredi», - dedi Ajar Ǵınııat.