Ajar Ǵınııat vaktsınatsııa deńgeıi tómen óńirlerdi atady

NUR-SULTAN. QazAqparat – Búgin Úkimet otyrysynda QR Densaýlyq saqtaý mınıstri Ajar Ǵınııat vaktsınatsııalaý deńgeıi tómen óńirlerdi atady, dep habarlaıdy QazAqparat tilshisi.

«Elimizde halyqty vaktsınalaý jalǵasýda. Búgingi kúni 1-komponentpen 9,5 mln astam adam egildi. Egilýge tıisti eresek turǵyndardyń 79,6 paıyzdy qamtyldy. Ekinshi komponentpen 8,8 mln astam adam egildi. Egilýge tıisti eresek turǵyndardyń 75,8 paıyzyn qurady. Barlyq halyq sanynyń ishinde birinshi komponentpen qamtý 50, ekinshi komponentpen qamtý 46,5 paıyzdy qurady», - dedi mıınstr.

Sonymen qatar ol egilýge tıisti halyqty vaktsınamen qamtý óńirler boıynsha ár túrli deńgeıde ekendigin atap ótti.

«Elimizdiń úsh óńirinde – ShQO, Jambyl, Túrkistan oblystarynda egilýge tıisti halyqtyń 100 paıyzdan astamy birinshi komponentpen qamtylǵan. Elimizdiń tórt óńirinde - Shymkent, Almaty qalalarynda, Qyzylorda oblysynda, Soltústik Qazaqstan jáne Almaty oblystarynda egilýge tıisti halyqtyń 75 paıyzdan astamy egilgen. Jeti óńirde – vaktsınatsııamen qamtý 60 paıyzdan 72 paıyzǵa deıin. Mańǵystaý jáne Qostanaı oblystarynda vaktsınatsııamen qamtý deńgeıi 60 paıyzdan tómen», - dedi Ajar Ǵınııat.