Ajar Ǵınııat Ulttyq ulan kýrsanttarynyń qyzylshaǵa shaldyǵýy týraly pikir bildirdi

Densaýlyq saqtaý mınıstri Ajar Ǵınııat Ulttyq ulan kýrsanttarynyń qyzylshaǵa shaldyǵýy týraly pikir bildirdi, dep habarlaıdy Kazinform.

Vedomstvonyń málimeti boıynsha, 17 kýrsant aýyrǵan. Onyń ishinde bir kýrsant qana em alyp jatyr. Qalǵandary jazylyp shyqqan.

«Óńirdiń bizge bergen deregi boıynsha, Ulttyq ulannyń atalmysh akademııasynda 17 kýrsant aýyrǵan. Bireýi medıtsınalyq sanıtarııalyq bólimde em alyp jatyr. Qalǵandary jazylyp shyqqan. Negizi ekpe alǵandar men buǵan deıin aýyryp úlgergenderdiń ımmýnıteti myǵym. Al buǵan deıin aýyryp kórmegender aýyrǵan. Onyń ózinde jas balada kezdesetin jeńil túrimen aýyrdy», - dedi ol Ortalyq kommýnıkatsııalar qyzmetinde ótken brıfıngide.

Onyń sózinshe, qyzylshamen aýyrdy degen kúdikpen 29 kýrsant túsken. Onyń tek 17-si qyzylsha juqtyrǵany anyq bolyp shyqqan.

«Qazir respıratorlyq vırýs ınfektsııasynyń epıdemıologııalyq maýsymy júrip jatyr. Tarap jatqan ınfektsııalardyń arasynda tumaý, tynys júıesiniń tumaýy (paragrıpp) sııaqty túrleri bar. Kúdikpen túsken ózge kýrsanttarǵa basqa dıagnozdar qoıyldy», - dedi mınıstr.

Sondaı-aq, ol Ulttyq ulanda karantın engizilmegenin atap ótti.