Ajar Ǵınııat «Ulttyq balalardy ońaltý ortalyǵy» KEAQ basqarady
ASTANA. KAZINFORM - QR Densaýlyq saqtaý mınıstri Aqmaral Alnazarova «Ulttyq balalardy ońaltý ortalyǵy» KEAQ ujymyna jańa basshy – Ajar Ǵınııatty tanystyrdy, dep habarlaıdy medıtsınalyq mekemeniń baspasóz qyzmeti.
Ajar Ǵınııat Aqtóbe memlekettik medıtsına ınstıtýtyn «Pedıatrııa» mamandyǵy boıynsha, Sh.Esenov atyndaǵy Aqtaý memlekettik ýnıversıtetin «Memlekettik jáne jergilikti basqarý menedjeri» mamandyǵy boıynsha jáne Almaty Menedjment ýnıversıteti «MVA iskerlik ákimshilendirý magıstri» mamandyǵy boıynsha támamdaǵan.
Eńbek jolyn 1993 jyly Atyraý qalasynyń №2 qalalyq emhanasynda ýchaskelik pedıatr bolyp bastaǵan.
1994 - 1999 jyldary - Aqtaý qalasynyń №1 Medıtsınalyq sanıtarlyq bóliminiń meńgerýshisi.
1999-2001 jyldary - Mańǵystaý juqpaly aýrýlar aýrýhanasynyń bas dárigeriniń emdeý isi jónindegi orynbasary.
2001-2005 jyldary - Mańǵystaý oblysynyń Densaýlyq saqtaý basqarmasy basshysynyń orynbasary.
2005-2006 jyldary - Mańǵystaý oblysy densaýlyq saqtaý departamentiniń dırektory.
2008-2017 jyldary - QR Densaýlyq saqtaý mınıstrliginiń basqarma basshysy, departament dırektory.
2017-2020 jyldary - QR Prezıdenti Іs Basqarmasynyń Medıtsınalyq ortalyǵy basshysynyń orynbasary.
2020-2022 jyldary - QR Densaýlyq saqtaý vıtse-mınıstri.
2022-2024 jyldary - QR Densaýlyq saqtaý mınıstri qyzmetin atqardy.
2024 jylǵy 15 naýryzdan bastap QR Densaýlyq saqtaý mınıstriniń buıryǵymen «Ulttyq balalardy ońaltý ortalyǵy» KEAQ Basqarma Tóraǵasy bolyp taǵaıyndaldy.
QR Densaýlyq saqtaýdy damytý salasyndaǵy jetistikteri úshin «Densaýlyq saqtaýdy damytýǵa qosqan úlesi úshin», «Densaýlyq saqtaý úzdigi» tósbelgilerimen, «Qurmet» ordenimen marapattalǵan.
