Ajar Ǵınııat «Spýtnık V» vaktsınasyn saldyrǵannan keıin qandaı sımptom bolǵanyn aıtty
«5 700 medıtsına qyzmetkeri ekpe aldy. Qazirgi ýaqytta teris áseri jóninde aqparattar jer-jerden kelip jatyr. Erlan Ańsaǵanuly (QR Densaýlyq saqtaý vıtse-mınıstri – Bas memlekettik sanıtar dáriger) ekeýimiz de osy ekpeni alǵan bolatynbyz. Birinshi táýlikte azdaǵan álsizdik baıqaldy. Ekpe jasatqan áriptesterimniń kópshiligi birinshi táýlikte osyndaı sımptomnyń bolǵanyn aıtýda. Kúrdeli allergııalyq reaktsııa boldy degen aqparat mınıstrlikke kelip túsken joq. Áli aqparat jınalyp jatyr. Shekten shyǵyp ketken jaǵdaı bolǵan emes», - dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.
Aıta keteıik, Memleket basshysy Qasym-Jomart Toqaevtyń tapsyrmasymen 1 aqpanda Qazaqstanda «Spýtnık V» vaktsınasyn erikte negizge egý naýqany bastalady.