Ajar Ǵınııat óziniń alǵashqy dárigerlik qateligi týraly aıtyp berdi

ASTANA. QazAqparat – QR Densaýlyq saqtaý mınıstri Ajar Ǵınııat óziniń alǵashqy dárigerlik qateligi týraly aıtyp berdi, dep habarlaıdy QazAqparat tilshisi.

«Ózimniń alǵashqy qateligim áli de esimde. Kezinde ishek ınfektsııasy indeti boıynsha balany emdegen edim. Balanyń dene qyzýy túsip, jaǵdaıy jaqsaryp kele jatqan bolatyn. Al úshinshi kúni dene qyzýy qaıtadan kóterilip, túri bozaryp ketti. Sol kezde áriptesterimniń kómegine júginip, jetkinshektiń em-domyna qatysty keńestik. Osy oraıda balany ishek ınfektsııasy boıynsha emdep júrsem, onda pnevmonııa bolǵan», - dedi A. Ǵınııat Májiliste zań jobasyn tanystyrǵannan keıin tilshiler saýalyna jaýap bere otyryp.

Onyń atýynsha, keıinnen durys dıagnoz qoıylyp, bala aman-esen emdelip shyqqan.

«Balanyń jaǵdaıy jaqsarǵansha, jansaqtaý bóliminen shyqpadym», - dedi mınıstr.

Budan buryn habarlanǵandaı, medıtsına qyzmetkerleriniń kásiptik jaýapkershiligi boıynsha mindetti saqtandyrý júıesi engiziledi.

Foto: gov.kz