Ajar Ǵınııat mantý ornyna BTsJ alǵan balalardyń ata-analarynyń ótinishin tyńdady
Aqtóbe oblysyna jumys saparymen kelgen mınıstr Ajar Ǵınııat Mártók aýdanyna baryp, medıtsına qyzmetkerlerimen kezdesti. Keıin oblys ortalyǵynda jýrnalısterdiń suraǵyna jaýap berdi.
«Mantý ornyna BTsJ vaktsınasyn qabyldaǵan balalardy qarap shyqtym. Olardyń ata-analarymen kezdestim. Qazirgi kezde qandaı da bir keri áseri bolmady. Balalar búginge deıin tek jergilikti ǵana emes, respýblıkadaǵy bilikti mamandardyń baqylaýynda boldy. Bárin ózim qadaǵalap otyrdym. Kún saıyn olardyń jaǵdaıy týraly aqparat aldym. Mamandarmen birge olardyń hálin bilip otyrdyq, baqyladyq. Jumys ári qaraı jalǵasady. Ata-analary balalardy baqylap, ońaltý sharasyn júrgizýdi surady. Biz ony qoldaımyz, shıpajaıǵa jiberemiz. Al jeke klınıkaǵa keler bolsaq, komıssııa sanıtarııalyq normanyń buzylǵanyn anyqtady»,- dedi mınıstr Ajar Ǵınııat.
Qazirgi kezde komıssııa qorytyndysy quqyq qorǵaý organdarynda jiberildi. Tergeý júrip jatyr. Al balalardy endi qalalyq emhana qaraıdy.
Eske salsaq, Aqtóbede jeke emhana meıirbıkesi balalarǵa mantý synamasynyń ornyna BTsJ vaktsınasyn berdi. Olardyń bilegi irińdi jaraǵa aınalyp, ata-analary dabyl qaqty.
