Ajar Ǵınııat koronavırýs órship turǵan óńirlerdi atady

NUR-SULTAN. QazAqparat – Búgin Úkimet otyrysynda QR Densaýlyq saqtaý mınıstri Ajar Ǵınııat koronavırýs órship turǵan óńirlerdi atady, dep habarlaıdy QazAqparat tilshisi.

Mınıstrdiń málimetinshe, ólim-jitim búkil pandemııa kezeńindegi kún saıyn eń kóp aýrýshańdyq pen ólim tirkelgen tamyz aıymen salystyrǵanda 12,4 ese azaıdy.

«Qańtar aıynyń basynan bastap jeltoqsanmen salystyrǵanda syrqattanýshylyq 11 ese ósip otyr. Syrtqattanýshylyqtyń eń kóp ósýi Aqtóbe oblysynda – 53 ese, Mańǵystaý oblysynda – 34 ese, Atyraý oblysynda – 33 ese, Qyzylorda oblysynda – 28 ese, Nur-Sultan men Shymken qalalarynda 25 ese ósý baıqalady. Ólim-jitim barlyq óńirde tómen», - dedi Ajar Ǵınııat.