Ajar Ǵınııat «Qazaqstan» shahtasyndaǵy órtten zardap shekken kenshilerdiń jaǵdaıyn aıtty

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Densaýlyq saqtaý mınıstri Ajar Ǵınııat «Qazaqstan» shahtasyndaǵy órtten zardap shekken shahterlerdiń jaǵdaıyn aıtyp berdi, dep habarlaıdy QazAqparat tilshisi.

«Statsıonarda emdelip jatqan naýqastardyń jaǵdaıy ortasha aýyr. Ekeýiniń densaýlyq jaǵdaıy qanaǵattanarlyq, olar jaqyn arada aýrýhanadan shyǵady. Medıtsına qyzmetkerleriniń aıtýynsha, búgingi tańda ýlaný sındromy jáne ýlaný belgileri bar shahterler de jaqsaryp keledi», - dep jaýap berdi Ajar Ǵınııat BAQ ókilderiniń saýalyna oraı.

Eske salaıyq, «Qazaqstan» shahtasynda órt 17 tamyz kúni saǵat 10:05-te tutandy.

Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.

5 jumysshynyń taǵdyry belgisiz boldy. Keıin olardyń biriniń denesi tabyldy.

Qaraǵandydaǵy kómir shahtasynda zardap shekkenderdiń arasynda eki adam jansaqtaý bólimine jetkizilgeni týraly habarlaǵan edik.

Aıta keteıik, Prezıdent «Qazaqstan» shahtasynda bolǵan órt sebebin anyqtaý úshin jan-jaqty tergeý júrgizýdi tapsyrdy.