Ajar Ǵınııat Qaraǵandy oblysyndaǵy emdeý mekemeleriniń indettiń ekinshi tolqynyna daıyndyǵyn tekserdi

QARAǴANDY. QazAqparat – QR Densaýlyq saqtaý vıtse-mınıstri Ajar Ǵınııat Qaraǵandy oblysyndaǵy birqatar medıtsınalyq nysandardy aralady. Ol koronavırýstyń ekinshi tolqynyna daıyndyq barysyn tekserdi, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.

Ajar Ǵınııat aldymen Qaraǵandydaǵy №3 emhananyń jumysymen tanysty. Qajetti qurylǵylardy, tonometrler men teplovızorlardy tekserdi. Aıta ketken jón, onyń balalar dárigeri bolyp jumys istegeni málim. Sondyqtan, osy mekemedegi balalardy tamaqtandyrý jóninde ótip jatqan sheberlik sabaǵyna qyzyǵýshylyq bildirip, mamandarmen tildesti. Sonymen qatar, vıtse-mınıstrge jańa týǵan nárestelerdiń estý qabiletin tekseretin apparatty jáne balalardy damytý bólmesin tanystyrdy.

Osydan soń Ajar Ǵınııat Oblystyq juqpaly aýrýlar aýrýhanasyndaǵy ınfektsııalyq-provızorlyq gospıtalinde bolyp, emdeý bólimshelerin kórdi. Sondaı-aq, H.J.Maqajanov atyndaǵy ınfektsııalyq gospıtaldiń jumysyn qadaǵalady. Bul mekeme pandemııa kezinde qurylǵan.

Ajar Ǵınııat sıtýatsııalyq ortalyqta da boldy. Oǵan koronavırýstyq ınfektsııaǵa monıtorıng jasaıtyn qurylǵylar kórsetildi.

Sonymen birge, jedel shtabtyń jumysy baıandaldy. Munda da jedel járdem habarlamalaryna jáne tumaý maýsymyna monıtorıng júrgiziledi jáne naýqastardy aýrýhanaǵa jetkizý barysy pysyqtalady.

Jumys qorytyndysy boıynsha vıtse-mınıstr Oblystyq Densaýlyq saqtaý basqarmasynda jıyn ótkizdi.

-Dárigerdiń qoǵamdaǵy róli joǵary baǵalana bastady. Medqyzmetkerlerdiń bedeli artty. Prezıdenttiń ózi aıryqsha nazar aýdarýda. Joǵary jalaqy taǵaıyndady,- dedi ol.

Jalpy alǵanda Qaraǵandy oblysy indettiń ekinshi tolqynyna daıyn,- dep túıindedi vıtse-mınıstr.