Ajar Ǵınııat kadr máselesin sheshýdi tapsyrdy

NUR-SULTAN. QazAqparat - Búgin QR Densaýlyq saqtaý mınıstri Ajar Ǵınııat Nur-Sultan qalasyndaǵy Ulttyq ǵylymı onkologııalyq ortalyq ǵımaratynyń salynyp jatqan ekinshi korpýsynyń nysanyn aralaý barysynda ınnovatsııalyq klınıkada jumys isteý úshin kadrlar daıarlaýdy qolǵa alýdy tapsyrdy. Bul týraly QazAqparat DSM silteme jasap habarlaıdy.

Densaýlyq saqtaý mınıstrliginiń basshysyna jelilik údetkishi bar proton ortalyǵy kórsetildi, onyń janynda medıtsınalyq palatalary bar ıadrolyq medıtsına bólimshesi uıymdastyrylady.
Budan ári vedomstvo basshysy 10 operatsııalyq blok, reanımatsııalyq, klınıkalyq-dıagnostıkalyq jáne onkogematologııalyq bólimshe ornalasqan úı-jaılardy qarap shyqty.
Sáýlelik terapııa bólimshesinde qurylys jumystary aıaqtalǵan soń jáne medıtsınalyq jabdyqtarmen jabdyqtalǵannan keıin olardyń jaı-kúıiniń dınamıkasyn únemi qadaǵalap otyratyn patsıentterge sáýlelik terapııanyń barlyq túrleri júrgiziletin bolady. Bul algorıtmdi ýaqtyly túzetýge jáne emdeýdiń tıimdiligin arttyrýǵa múmkindik beredi.
QR DSM basshysyna jańa korpýstyń qurylysy boıynsha Jol kartasyn iske asyrý barysy týraly baıandaldy, atap aıtqanda, QR Densaýlyq saqtaý vıtse-mınıstri Jandos Búrkitbaev jobany iske asyrýdyń aıaqtalý jáne ony jabdyqtarmen qamtamasyz etý merzimderi týraly habarlady.

Qurylys ornyndaǵy keńes barysynda A.Ǵınııat «ortalyqty ustaý», onyń ishinde aýrýhanany kadrlarmen qamtamasyz etý, ásirese ıadrolyq fızıka, ıadrolyq qaýipsizdik sııaqty tapshy baǵyttar boıynsha máselelerdi sheshýge kirisýdi, olardy jedel túrde daıyndaýdy tapsyrdy.
«Bul mańyzdy áleýmettik nysandy ásirese el halqy kútýde. Qazaqstanda jyl saıyn onkologııalyq aýrýlardyń 35 000-nan astam jańa jaǵdaıy anyqtalady, olardyń bir bóligine kesh satyda dıagnostıka jasalady. Qazaqstandyq patsıentter ózderiniń jaqyndarynyń janynda úzdik halyqaralyq praktıkaǵa sáıkes mamandandyrylǵan em ala alady», - dep atap ótti mınıstr.