Ajar Ǵınııat elordada maska rejımi nelikten jalǵasatynyn túsindirdi

NUR-SULTAN. QazAqparat – QR Densaýlyq saqtaý mınıstri Ajar Ǵınııat elordada nelikten maska taǵý rejımi jalǵasatynyn túsindirdi, dep habarlaıdy QazAqparat.

«Qazirgi ýaqytta JRVI áli de taralyp jatyr. Bul jaǵdaı jyl saıyn osy kezeńde bolady. Oǵan qosa kún saıyn elde koronavırýs ınfektsııasynyń 100-ge jýyq jaǵdaıy tirkeledi, sondyqtan ashyq aýada maska taǵý týraly talap alynyp tastalsa da, jabyq jerlerde, sonyń ishinde keńselerde maska taǵý týraly sheshim qabyldanady. Bul aýa arqyly juǵatyn ınfektsııalyq vırýstyq aýrýlardy kóptep tirkelgenine baılanysty», - dep jaýap berdi A. Ǵınııat ortalyq kommýnıkatsııalar qyzmetindegi baspasóz máslıhatynda tilshi suraǵyna.

Onyń aıtýynsha, buryn da JRVI taralýy kezeńinde negizinen densaýlyq saqtaý jáne bilim berý uıymdarynda maska rejımi qoldanylǵan.

Al qazir bul rejım aldaǵy merekelik kúnderi KVI jaǵdaılaryn kóbeıtpeý úshin saqtalyp otyr.

Epıdemıologııalyq jaǵdaı jaqsarǵan kezde bul saqtyq sharalary kúshin joıady.

Aıta keteıik, naýryz aıynda koronavırýspen syrqattaný kórsetkishi 33 ese tómendegen. Qazir Qazaqstan Respýblıkasy men búkil óńirler jasyl aımaqta ornalasqan.