Ajar Ǵınııat dárigerlerdiń ortasha jalaqysyn atady

ASTANA. QazAqparat – El turǵyndaryna 886 myńǵa jýyq qymbat medıtsınalyq qyzmet kórsetildi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Medıtsına qyzmetkerlerin yntalandyrý úshin Memleket basshysynyń tapsyrmasy boıynsha byltyrdan bastap medıtsına qyzmetkerleriniń jalaqysy 2023 jylǵa qaraı ekonomıkadaǵy ortasha jalaqydan 2 ese joǵary deńgeıge jetkizý maqsatynda jyl saıyn arttyrylýda. Bıyldyń ózinde dárigerlerdiń ortasha jalaqysy 420 myń teńgege jetkiledi. Bul rette orta medıtsına qyzmetkeriniń jalaqysy shamamen 235 myń teńgeni qurady», - dedi mınıstr «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń birinshi jartyjyldyqtaǵy nátıjeleri jaıynda baıandaı kele.

Sonymen qatar ol Mindetti áleýmettik medıtsınalyq saqtandyrý sheńberinde halyqqa qymbat turatyn medıtsınalyq qyzmetterdiń qoljetimdiligi artqanyn aıtty.

«Qazirgi ýaqytta 886 myńǵa jýyq qymbat medıtsınalyq qyzmet kórsetildi», - dedi Ajar Ǵınııat.