Ajar Ǵınııat ana men bala ólimi joǵary óńirlerdi atady

ASTANA. QazAqparat – 2023 jyldyń sońyna deıin damýynda aýytqýy bar balalarǵa arnalǵan 13 erte aralasý ortalyǵy ashylady. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«1 jasqa deıingi balalardy proaktıvti baqylaýmen jáne skrınıngpen qamtý 81 paıyzǵa deıin artty. Bıyl jylyna 5 myńǵa jýyq balany qamtıtyn 8 balalardy ońaltý ortalyǵy, sondaı-aq, 3 jasqa deıingi damýynda aýytqýshylyqtary bar, ásirese shala týǵan balalarǵa arnalǵan 2 erte aralasý ortalyǵy Almaty jáne Shyǵys Qazaqstan oblytarynda ashyldy. 2023 jyldyń sońyna deıin 10 myńnan astam balany qamtıtyn 13 ortalyq ashý josparlanǵan», - dedi mınıstr «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń birinshi jartyjyldyqtaǵy nátıjeleri jaıynda baıandaı kele.

Onyń dereginshe, dárilik zattardyń tizbesine balalardyń orfandyq jáne aýyr aýrýlaryn emdeýge arnalǵan 17 preparat satyp alynyp jatyr.