Ajar Ǵınııat Almatyda VICh juqtyrý oqıǵasyn tekserý jaıynda: Komıssııa áli jumys istep jatyr

ASTANA. QazAqparat – Almaty qalasyndaǵy aýrýhanada naýqastardyń adamnyń ımmýndyq tapshylyq vırýsyn (AITV/VICh) juqtyryp alýyna baılanysty epıdemıologııalyq tergeý nátıjesi kelesi aptada belgili bolady.

Bul týraly Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Komıssııa kelesi aptada jumysyn aıaqtap, bárin biletin bolamyz. Ázirshe olar jumys istep jatyr. Komıssııa jumysyn aıaqtaı salysymen olar tolyq anyqtama daıyndap, ony ákimdik pen Densaýlyq saqtaý mınıstrligine resmı usynady», - dedi Ajar Ǵınııat Úkimet otyrysynan keıin BAQ ókilderiniń saýalyna oraı.

Onyń atap ótýinshe, dárigerlik qupııa týraly qoldanystaǵy zańnamaǵa sáıkes, tergeý júrip jatqan ýaqytta patsıentterdiń kelisiminsiz olarmen kezdesýge eshkimniń quqy joq.

«Dárigerlik qupııa bar. Patsıenttiń kelisimimen ǵana bolady. Olardyń kezdesýge nıeti joq», - dedi mınıstr.

Buǵan deıin Almaty qalalyq ortalyq klınıkalyq aýrýhanasynda jatqan 3 naýqastan adamnyń ımmýndyq tapshylyq vırýsy anyqtalǵanyn jazǵan edik.