Ajar Ashat Aıchı-Nagoıadaǵy jazǵy Azııa oıyndarynyń kúmis júldesin jeńip aldy
ASTANA. KAZINFORM – Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda Qazaqstan qorjynyna dzıýdodan kezekti kúmis medal tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Otandasymyz Ajar Ashat 70 kg deıingi salmaqtyń fınalynda jarys qojaıyny Rın Maedamen kim myqtyny anyqtady. Shıelenisti beldesýde Ajar qarsylasyna ese jiberdi.
Búgin Nagoıada 21 jastaǵy qazaq dzıýdoshysy tatamıde Taıland, Taıpeı jáne Mońǵolııa sportshysyn utty.
Osyǵan deıin Esmıgýl Kýıýlova ekinshi ret dzıýdodan Azıadanyń qola júldesin alǵan bolatyn.
