Ajal qushqan blogerdiń úıinen júzdegen ýly jylan shyqty
ASTANA. QazAqparat - Lenıngrad oblysynyń bıligi mert bolǵan vıdeobloger-serpentolog Arslan Valeevtiń Vsevolojskidegi jekemenshik úıinde qaldyrǵan júzdegen ýly jylanǵa baılanysty tıisti sheshim shyǵarýdy josparlap otyrǵan joq.
Bul týraly óńir úkimetiniń baspasóz qyzmeti habarlady.
»Bul jekemenshiktegi terrıtorııa jáne biz zań boıynsha oǵan kirispeýimiz kerek. Eger bizge polıtsııa nemese marqumnyń týǵan-týystary ótinish bildirse ǵana aralasa alamyz. Ondaǵy jan-janýarlar tordyń ishinde. Ázirge indettiń taralý qaýpi joq»,- dep túsindiredi baspasóz qyzmeti.
Tergeý komıteti blogerdiń ólimine baılanysty tekseris júrgizýde. Al mert bolǵan jannyń úıinde 300 jylan jáne ózge de ekzotokalyq janýarlar bar.
25 qyrkúıekte Valeev ýly jylannyń shaǵýy saldarynan aýrýhanada kóz jumǵandyǵy belgili boldy. 23 qyrkúıekke qaraǵan túni óz arnasyndaǵy tikeleı efırde blogerdi jylannyń bir túri - qara mamba shaǵyp aýrýhanaǵa túsken edi.
