Ázerbaıjannyń Sýmgaıt qalasyndaǵy kóshege Ahmet Baıtursynulynyń esimi berildi

NUR-SULTAN. QazAqparat - Memleket basshysy Qasym-Jomart Toqaev Ázerbaıjan Respýblıkasynyń Prezıdenti Ilham Álıevke Sýmgaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgeni úshin alǵys aıtty, dep habarlaıdy QazAqparat Aqordanyń baspasóz qyzmetine silteme jasaı otyryp.

«Sonymen qatar, biz elderimiz arasynda mádenıet qaıratkerleri men delegatsııalardy turaqty almasýǵa kelistik. Sýmgaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgenine alǵys aıtamyz.

Ahmet Baıtursynuly 1926 jyly osy – Baký kalasynda ótken birinshi Búkilodaqtyq túrkologtar sezine delegat retinde qatysqan. Bul fakt bizdiń elimiz ben halyqtarymyz arasynda qashan da tyǵyz baılanys bolǵanyn taǵy bir ret dáleldeıdi dep oılaımyn. Kezinde elordamyzdyń bir kóshesine kórnekti memleket qaıratkeri, Ázerbaıjan halqynyń birtýar perzenti Geıdar Álıevtiń esimi berilgen» delingen Memleket basshysy Qasym-Jomart Toqaev Ázerbaıjan Respýblıkasynyń Prezıdenti Ilham Álıevpen ótken kelissózder qorytyndysy boıynsha BAQ úshin málimdemesinde.

Foto: akorda.kz