Ázerbaıjannyń Konstıtýtsııalyq soty Ilham Álıevti prezıdent retinde bekitti
BAKÝ. QazAqparat - Ázerbaıjan Konstıtýtsııalyq sotynyń plenýmy 11 sáýirde kezekten tys ótken prezıdent saılaýyn qorytyndylady, dep habarlaıdy «QazAqparat» HAA-nyń Ázerbaıjandaǵy menshikti tilshisi.
Saılaýda «Jańa Ázerbaıjan» bıleýshi partııasynyń kandıdaty Ilham Álıev 86,02 % daýys jınaǵan.
Eldiń Konstıtýtsııalyq soty Ázerbaıjan Ortalyq saılaý komıssııasynyń prezıdent saılaýy boıynsha qorytyndy hattamasynyń nátıjelerin bekitýge sheshim qabyldady.
Hattamaǵa sáıkes, saılaýshylardyń 74,30% qatysqan, 12,403 myń daýys jaramsyz dep tanylǵan.
Saılanǵan prezıdentti ulyqtaý rásimi Konstıtýtsııalyq sot prezıdent saılaýynyń qorytyndylary resmı málim etkennen keıin úsh kúnnen soń ótedi.
Foto: vesti.az
