Ázerbaıjannyń iri banki tyǵyryqqa tireldi

ASTANA. QazAqparat  - Ázerbaıjannyń halyqaralyq banki bankrottyń sál-aq aldynda tur. Atalǵan qarjy uıymy eldegi valıýta tapshylyǵy saldarynan syrtqy qaryzyn tóleı almaýda.

Endi, bank basshylyǵy kredıtorlarmen bereshekti qaıta qurylymdaý boıynsha kelissózderdi bastaýdy josparlap otyr, dep habarlaıdy QazAqparat tilshisi shetelik buqaralyq aqparat quraldaryna silteme jasap.

Resmı málimetke sáıkes, 10 mamyrda Ázerbaıjannyń halyqaralyq banki óziniń negizgi qaryzy men nesıeniń mólsherlemesin óteý úshin 100 mln AQSh dollary kólemindegi tólemdi ótkizdi. Qaryzdyń taǵy bir bóligin Ázerbaıjannyń qundy qaǵazdaryna aıyrbastaý josparlanyp otyr. Oǵan qosa, sheteldik valıýtamen berilgen nesıeni qaıta qurylymdaý máselesi mindetti túrde qaralatyn bolady. Oǵan kredıtorlardyń qoldaýy qajet. Sebebi qaryzdyń jartysynan kóbi - kredıtorlardyń aqshasy.

«Tólemderdi toqtatý týraly sheshimniń ókinishti jaǵdaı ekenin túsinemiz. Qazirgi kezde Ázerbaıjannyń halyqaralyq bankiniń jumysyn qalpyna keltirý úshin shuǵyl sharalardy qolǵa alý qajet» - delingen banktiń resmı habarlamasynda.