Ázerbaıjannyń Genje qalasyndaǵy zymyran atqylaýynan 9 adam qaıtys boldy

GENJE. AZƏRTAC-QazAqparat – Ázerbaıjannyń Genje qalasynda zymyrannan qıraǵan nysanda izdeý-qutqarý jumystary aıaqtaldy, dep habarlaıdy QazAqparat.

AZƏRTAC agenttiginiń habarlaýynsha, zymyran nysanǵa 2020 jyldyń 11 qazanynda saǵat túngi eki kezinde túsken.

Ázerbaıjan Respýblıkasynyń Tótenshe jaǵdaılar mınıstrligi qutqarýshylardyń ol jerden 17 adamdy alyp shyqqanyn, onyń 9-y qaıtys bolǵanyn habarlaıdy.

Oqıǵa ornynda jumys istep jatqan jaýapty vedomstvolar qıraǵan nysannyń astynda eshkimniń qalmaǵanyn, izdeý-qutqarý jumystary aıaqtalǵanyn jarııa etti.

Eske salaıyq, Ázerbaıjan men Armenııa buǵan deıin ýaqytsha urysty toqtatý týraly kelisim jasaǵan edi.