Ázerbaıjannyń búkil aýmaǵynda ınternet jumys istemeıdi
ASTANA. QazAqparat - Dúısenbi kúni jergilikti ýaqytpen saǵat 16.00-de Ázerbaıjanda ınternet jumys jasamaı qaldy, dep habarlady Bı-bı-sı.
«Qazirgi kezde búkil respýblıkada ınternet joq, sondyqtan jańalyqtar kútemiz. Bizge de sebebin habarlamaıdy. Biz munda Ázerbaıjandy ınternetpen qamtamasyz etetin basty provaıder Delta Telecom-ǵa táýeldimiz. Sondyqtan da biz paıdalanýshylardyń túsinistikpen qaraýyn ótinemiz», - dep málimdedi «Metronet» kompanııasynan.
Jergilikti provaıder Delta Telecom-nyń málimetteri boıynsha, onyń sebebi tehnıkalyq problemalardan bolsa kerek, málimetter berý jelisin sharpyǵan órte baılanysty bolyp otyr. El bıligi ınternetke qoljetimdilik birneshe saǵattyń ishinde túzeledi dep ýáde berýde. Tehnıkalyq problemalar eldiń kóptegen ınternet-provaıderin, sondaı-aq uıaly operatorlardy qamtydy. Bul Ázerbaıjanda ınternet túgel óship qalǵan alǵashqy jaǵdaı. Budan buryn ázerbaıjan baılanys mınıstrligi ınternetti paıdalaný salsynda balalar men jasóspirimderdi qorǵaý jónindegi Reseı tájirıbesin alýdy usynǵan bolatyn.
Osy jylǵy ııýnde ázerbaıjandyq BAQ eldiń Baspasóz keńesi «Ázerbaıjanǵa qarsy paraqtarǵa» baılanysty «Feısbýk» áleýmettik jelisine qoljetimdilikti jabýǵa shaqyrǵan edi. Shildede paıdalanýshylar tez baılanysatyn WhatsApp qosymshasyndaǵy problemalar týraly habarlady, al birneshe kún ótkennen keıin paıdalanýshylar Skype arqyly qońyraý shalýda da problemlarǵa tap boldy.
