Ázerbaıjannyń TJM dárigerleri men qutqarýshylary Aqtaýǵa attandy
ASTANA. KAZINFORM – Ázerbaıjan Respýblıkasynyń Prezıdenti Ilham Álıevtiń tapsyrmasyna sáıkes Ázerbaıjan Tótenshe jaǵdaılar mınıstrliginiń tájirıbeli psıhologtary, dárigerleri men qutqarýshylarynan quralǵan top Aqtaýǵa attandy, dep habarlaıdy Kazinform Trend-ke silteme jasap.
Atap ótilgendeı, Ázerbaıjan áýe kompanııasyna tıesili jolaýshylar ushaǵy apatqa ushyraǵannan keıin top qajetti qural-jabdyqtarmen qamtamasyz etilip, TJM-nyń «Be-200 TJ» amfıbııa ushaǵymen Aqtaý qalasyna jóneltildi.
Trend-tiń vedomstvoǵa silteme jasap habarlaýynsha, júktelgen mindetterge sáıkes mınıstrliktiń psıhologtary zardap shekkenderge jedel psıhologııalyq kómek kórsetedi, qajet bolǵan jaǵdaıda dárigerler tarapynan medıtsınalyq aralasý júrgizilip jatyr.
Mınıstrlik qutqarýshylary apat bolǵan aýmaqta ta tıisti sharalardy qolǵa alady.
Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan Azerbaijan Airlines ushaǵy Qazaqstan aýmaǵynda apatqa ushyrady.
Aqtaýdaǵy ushaq apatynyń hronologııasy jarııalandy.
Aqtaýdaǵy áýe apatynan mert bolǵan qazaqstandyqtar anyqtaldy.
Keıinnen ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.