Ázerbaıjannyń Densaýlyq saqtaý mınıstri Qazaqstan dárigerlerine alǵys aıtty

ASTANA. KAZINFORM - Ázerbaıjan Respýblıkasynyń Densaýlyq saqtaý mınıstrligi ushaq apatynan zardap shekken azamattarǵa kómek kórsetken Qazaqstan dárigerlerine alǵys aıtý jedelhatyn joldady.

Әзербайжан
Фото: Маңғыстау облысы әкімдігі

Mańǵystaý oblysy ákimdiginiń málimetinshe, hatta «Ushaq apatynan qaza tapqan Qazaqstandyqtarǵa shyn júrekten kóńil aıtamyz. Apat kezinde joǵary kásibıligin kórsetken jedel járdem qyzmetine, bilikti dárigerlerge, aýyr halde jetkizilgen naýqastarǵa joǵary dárejede em-dom kórsetken mamandarǵa sheksiz alǵysymyzdy bildiremiz» delingen.

Sonymen qatar, Qazaqstan Respýblıkasynyń Densaýlyq saqtaý mınıstrligi Mańǵystaý oblysy Densaýlyq saqtaý basqarmasynyń basshylyǵyna, zardap shekkenderdi qutqarýǵa jáne olarǵa kómek kórsetýdi uıymdastyrýǵa jumyldyrylǵan barlyq dárigerlerge alǵysyn bildirdi.

Aqtaý mańyndaǵy ushaq apatynan zardap shekken 6 adamnyń jaǵdaıy turaqtanǵanyn jazǵan bolatynbyz.

Сейчас читают