Ázerbaıjanmen ulttyq-rýhanı jaqyndastyǵymyz arta túsedi – saıasattanýshy
«Búgin Memleket basshysy Qasym-Jomart Toqaev pen Ázerbaıjan Prezıdenti Ilham Álıev keńeıtilgen quramda kelissóz júrgizdi jáne osy issapar barysynda saıası, saýda-ekonomıkalyq, kólik pen mádenı salalardaǵy qazaq-ázerbaıjan seriktestigi nyǵaıdy. Munyń utymdy bir jaǵy – qazaq pen ázerbaıjan halyqtarynyń tek qana túrkitektes emes, jalpy halyq retinde uqsas bolǵandyǵy. Osy oraıda Qurmanǵazy atyndaǵy óner ortalyǵynyń ashylýy bir sebepshi bolyp, úlken qarym-qatynastyń, sporttyq-mádenı sharalardyń artýyna yqpal etedi dep oılaımyn. Kaspıı teńizi ǵana bólip turǵan kórshiles qos memlekettiń bir-birimen tyǵyz qarym-qatynasy bir jylǵa emes, 2026 jylǵa deıin josparlanǵan. Bul strategııalyq turǵydan ǵana emes, burynnan kele jatqan ulttyq-rýhanı jaqyndastyǵymyzdy odan ári arttyrýda da mańyzdy», - dedi Á. Saılaýbek.
Qazaqstan Prezıdentiniń Bakýǵa resmı saparynda birqatar qujatqa qol qoıylyp, eki el mınıstrlikteri arasynda memorandýmdar bekitildi.
«Ásirese kólik jasaý, tranzıttik júk tasymaly, joǵary tehnologııalar salasyndaǵy yntymaqtastyq kóńil bólýge turarlyq. Bul turǵyda Ázerbaıjan Eýropaǵa «altyn kópir» bolady desek te artyq aıtpaımyz, keńeıtilgen kelisimsharttar da jalǵasyn tabady dep oılaımyn. Osy baǵyttaǵy yntymaqtastyqty damytý strategııalyq, rýhanı, mádenı, sporttyq jáne bilim salalaryn damytýǵa aıryqsha sep bolýǵa tıis. Eýrazııa qurlyǵynda geosaıası shıelenister kezinde barlyq memleketpen tatý bolýdyń da mańyzy zor», - deıdi Ádil Saılaýbek.
Eske sala ketsek, búgin Memleket basshysy Qasym-Jomart Toqaev Ázerbaıjan Prezıdenti Ilham Álıevpen kezdesti jáne ony «Altyn Qyran» ordenimen marapattady.
Sonymen birge, resmı sapar aıasynda qol qoıylǵan qujattar tizimi jarııalandy.
