Qazaqstandyq týrıster Ázerbaıjanǵa kóp baratyn bolǵan

ASTANA. Kazinform – Ortalyq Azııa elderinen Ázerbaıjanǵa barǵan týrıster ishinde qazaqstandyqtar sany alǵashqy orynǵa shyqqan. Bul týraly Kazinform-nyń menshikti tilshisi habarlaıdy.

Ázerbaıjan týrızm memlekettik agenttiginiń málimetine qaraǵanda, qazan aıynda Qazaqstannan Ázerbaıjanǵa barǵan týrıster sany 8 134 adamdy qurady. Bul osy jyldyń basynan bergi kórsetkishten 42% joǵary.

Kavkaz eline barǵan elderdiń alǵashqy úshtigine Ózbekstan (3 727 adam) men Túrikmenstan (3 163 adam) elderi kirgen.

Tek ótken aıda Ázerbaıjanǵa Ortalyq Azııa elderinen 16,5 myńnan asa týrıst kelgen. Sonymen qatar bıylǵy jyldyń 10 aıynda atalǵan elden Ázerbaıjanǵa 150 myńǵa jýyq adam barǵan. Bul ótken jyldyń osy kezeńimen salystyrǵanda 38% joǵary. Jalpy 2017-2023 jyldary aralyǵynda Ázerbaıjanǵa OA elderinen 545 730 adam týrıst retinde barǵan.

Jalpy mádlimet boıynsha Ázerbaıjanǵa bıyl 2,2 mln sheteldik týrıst kelgen. Bul 2023 jyldyń osy kezeńimen salystyrǵanda 28% (1,72 mln adamǵa) kóp.

Ázerbaıjanǵa barǵan qazaqstandyqtar sol eldiń túrıstik múmkindikterin keńinen paıdalanýda. Ásirese qazaqstandyqtardy taý halqynyń mádenıeti men tarıhy, dástúrli ashanasy kóbirek qyzyqtyrǵan.