Ázerbaıjandyq telejúrgizýshi, reseılik saıasattanýshy QR Tuńǵysh Prezıdentine alǵys bildirdi

ASTANA. QazAqparat - Áleýmettik jelide Elbasy Nursultan Nazarbaevtyń Prezıdenttik ókilettigin toqtatý tarıhı sheshimine qatysty pikirler kóptep jarııalanýda, dep habarlaıdy QazAqparat tilshisi.

«Azattyqtyń arxıtektory bolǵan uly adamnyń tarıxı sheshimi! Tipti kúnine deıin sátti oılastyryp, parasatty qadam jasaǵan Elbasynyń búgingi Úndeýin tyńdap otyryp, tebirenip, túsiniksiz óksikke býlyqtym. Osyndaı Elbasymyz bolǵany úshin maqtanamyn!», - dep jazdy Halyqaralyq Túrki akademııasynyń prezıdenti Darhan Qydyráli paraqshasynda.

«Elbasynyń laýazymnan ketý sózin tyńdadym. Qalaı bolǵanda da, resmı túrde eki tilde úndeý jasaý aqylǵa qonymdy sheshim boldy. Postkeńestik keńiste ómir súrgen burynǵy resýblıkalardyń ishinde Belarýsty qospaǵanda kúrdeli tarıhy bar kópultty Qazaqstan 29 jyl boıy ultaralyq qaqtyǵyssyz, qan tógissiz, sepratımsiz, tóńkerissiz baı-baqýatty ári qoǵamdyq kelisimde bola bildi. Bul ulttyq memleket qurýǵa da esh kedergi keltire almaǵynyna kóz jetip otyr. Eger Nazarbaev bolmaǵanda jaǵdaı múldem basqa bolar ma edi», - dep jazady reseılik saıasattanýshy Denıs Shılnıkov.

«Birinshi ári jalǵyz Prezıdent. Qazaqstan úshin Nursultan Nazarbaevta mundaıdy eshkim jasaǵan joq, jasaıda almaıdy. Onyń dana saıasatynyń arqasynda Qazaqstanda osynshama ult pen ulys beıbitshilikte ómir súrýde. Alla taǵala munyń barlyǵy odan ary jalǵasýyn jazsyn!», - dep jazdy ázerbaıjandyq tanymal telejúrgizýshi Mehrıban Kasýmova.