Ázerbaıjandyq teatr ujymy Astanada spektakl qoıdy
ASTANA. QazAqparat - Ázerbaıjandyq jas kórermender memlekettik teatry Astanada ótken «Sahnadan sálem» atty V halyqaralyq teatr festıvaline qatysty, dep habarlady Trend saıtyna teatrdyń bapsasóz qyzmeti.
Festıval tanymal teatr jáne kıno rejısseri, KSRO-nyń halyq ártisi, Qazaqstannyń Halyq qaharmany Ázirbaıjan Mámbetovtyń 85 jyldyǵyna arnaldy. Festıvalda ázerbaıjandyq teatr ártisteri shvetsııalyq dramatýrg Lars Nýrenniń «Mən gəldim qızlar» («Müharibə») spektaklin qoıdy.
Festıval aıasynda qoıylǵan árbir spektaklden soń ádilqazylar alqasynyń músheleri men qurmetti qonaqtar ony talqyǵa salyp, ártisterge aqyl-keńesterin berdi. «Mən gəldim qızlar» spektaklin ádilqazylar alqasynyń músheleri men festıvaldiń qurmetti qonaqtary jaqsy baǵalady. Festıvalda sonymen qatar Ózbekstan, Qyrǵyzstan, Reseı men Qazaqstan elderiniń ártisteri de óner kórsetti.
