Ázerbaıjandyq stýdentterge oqý aqysyn tóleý úshin qaryzǵa aqsha beriledi

ASTANA. QazAqparat - Ázerbaıjanda az qamtylǵan otbasylardan shyqqan jastarǵa oqýlarynyń aqysyn tóleý úshin paıyzsyz nesıeler berile bastaıdy. Bul týraly Trend aqparat agenttigi habarlady.

Kómektiń mundaı túrin «Maarıfchı» stýdenttik nesıe qory usynbaq.

Ústemeaqysyz aqsha alǵysy kelgender 13 qazanǵa deıin qorǵa ótinish bildirýleri tıis.

Óz qyzmetin bastaǵaly beri «Maarıfchı» nesıe qory 212 elektrondy ótinim boıynsha 118 stýdentpen 135 nesıe kelisimshartyn jasasty.