Ázerbaıjandyq jazýshy Akram Aılıslı Eýropadaǵy bedeldi ádebı syılyqqa ıe boldy
ASTANA. KAZINFORM – Ázerbaıjandyq jazýshy Akram Aılıslı Eýropalyq qaıta qurý jáne damý bankiniń (EQDB) 2026 jylǵy ádebı syılyǵyn ıelendi, dep habarlaıdy BBC.
Jazýshy marapatqa keńes dáýirinde jazylǵan, biraq aǵylshyn tilinde alǵash ret jaryq kórgen «Adamdar men aǵashtar» trılogııasy úshin ıe boldy.
Baıqaý fınalynda qalamgermen birge polshalyq fantast-jazýshy ıAtsek Dýkaıdyń «Muz» romany jáne mysyrlyq jazýshy Shadı Lıýıstiń «Grınvıch syzyǵynda» atty shyǵarmasy baq synady.
Qazylar alqasy shyǵarmanyń baıandaý stıli men keıipkerlerdiń shynaıy beınelenýin joǵary baǵalady. Alqany basqarǵan brıtandyq jazýshy ári ádebıet synshysy Maııa ıAggı aǵylshyn tiline aýdarmany da erekshe atap ótti.
«Adamdar men aǵashtar“ Akram Aılıslıdiń erterekte jazylǵan shyǵarmalarynyń biri bolǵanymen, onda onyń keıingi shyǵarmashylyǵyna tán barlyq erekshelik bar. Proza aıqyn, áserli ári oqyrmanǵa úmit syılaıdy», – dedi shyǵarmanyń aýdarmashysy Ketrın ıAng.
Akram Aılıslı táýelsiz Ázerbaıjan kezeńinde «Tas túster» («Kamennye sny») povesi jarııalanǵannan keıin úlken synǵa ushyrady. Armıandar men ázerbaıjandar arasyndaǵy kúrdeli qarym-qatynasty qozǵaǵan shyǵarma qoǵamda qyzý pikirtalas týǵyzdy. Osydan keıin jazýshy memlekettik nagradalarynan, ómir boıǵy prezıdenttik stıpendııasynan aıyrylyp, oǵan qarsy qylmystyq is qozǵalǵan.
Qazirgi tańda 88 jastaǵy jazýshy Bakýde turady. BBC málimetinshe, ol is júzinde úıqamaq jaǵdaıynda ómir súrip jatyr.
Aıta keteıik, Mádenıet jáne aqparat mınıstrligi «Qala hıkaıalary» atty jańa respýblıkalyq ádebı baıqaýdy jarııalady.
