Ázerbaıjandyq SOCAR Grýzııadan gaz qubyrlaryn satyp alady

ASTANA. KAZINFORM – Grýzııa úkimeti eldiń batys aımaqtaryndaǵy gaz qubyrlaryn ázerbaıjandyq SOCAR Gas Georgia kompanııasyna 19,8 mln larıge (7,046 mln dollar) tikeleı satýdy maquldady, dep habarlaıdy Kazinform menshikti tilshisi.

Tıisti buıryqqa Grýzııa premer-mınıstri Iraklıı Kobahıdze qol qoıdy.

Áńgime Imeretı, Gýrııa jáne Samegrelo-Zemo Svanetı aımaqtary aýyldaryndaǵy 41 gaz qubyryn jekeshelendirý týraly bolyp otyr. Protsess 17 jylǵa eseptelgen, Grýzııa kestesine sáıkes tólemder 2032 jyly bastalady. Kompanııa 10 jyl boıy jylyna eki mln-daı ları tóleıtin bolady.

Qazirgi ýaqytta SOCAR Grýzııaǵa tabıǵı gazdy da, munaıdy da, munaı ónimderin de jetkizip otyr. 
2012 jyly SOCAR reseılik ITERA International Energy LLC kompanııasynyń enshiles kásiporny «Itera-Grýzııa» kompanııasyn satyp aldy. Satyp alǵannan keıin SOCAR gaz jelileri «Qazmunaıgaz» enshiles kásipornyna tıesili Tbılısıden basqa Grýzııanyń búkil aýmaǵynda gaz taratý jelilerin satyp aldy.

Búginde SOCAR-nyń enshiles kompanııalary Grýzııadaǵy gaz taratý júıelerin keńeıtý jáne jańǵyrtýmen, SOCAR brendimen janarmaı quıý stantsııalary jelisin damytýmen aınalysýda, olardyń Grýzııanyń Qara teńizdegi Kýlevı portynda munaı termınaly bar. Sol arqyly Ázerbaıjan munaıy men munaı ónimderi álemdik naryqqa tasymaldanady.