Ázerbaıjandaǵy týrnırde Qazaqstan jasóspirimder quramasy 11 medal aldy

ASTANA. KAZINFORM - Ázerbaıjan astanasy Baký qalasynda ótken jasóspirimder arasyndaǵy Geıdar Álıev kýbogy týrnırinde qazaqstandyq boksshylar 11 medal jeńip aldy.

Onyń ishinde otandastarymyz 2 altyn, 4 kúmis, 5 qolaǵa qol jetkizdi. El quramasynan uldarda Ámir Mýhıt (54 keli) chempıon atandy.

Al Edige Nurqoja (50 keli), Jangeldi Álken (63 keli), Daryn Tasmuhamenov (66 keli) jáne Temirlan Eralıev (70 keli) ekinshi orynǵa turaqtasa, qola júldegerler qatarynda Ádilet Abylaıhan (48 keli), Zańǵar Saılaýbek (54 keli) jáne Erketan Jarkynbek (80 keliden joǵary) úzdik úshtikti túıindedi.

Sondaı-aq qyzdar arasynda Adelaıda Sádýaqasova (57 keli) chempıon atansa, Vıktorııa Bıshler (50 keli) men Aqerke Serdaly qola júldeger boldy.

Qurama aǵa bapker Baǵdat Ońǵarbekov jetekshilik etti.

Eske salsaq, bokstan Álem kýbogy 30 maýsym - 6 shilde aralyǵynda Astana qalasynda ótedi.

Oǵan álemniń úzdik bylǵary qolǵap sheberleri qatysady dep josparlanyp otyr. El quramasy onda birinshi quramymen sharshy alańǵa shyǵady.

World Boxing týrnıri úsh kezeńnen turady. Alǵashqysy sáýir aıynda Brazılııanyń Fos-dý-Igýasý qalasynda ótti.

Al úshinshi kezeń 21-27 shilde aralyǵynda ótedi. Ázirge onyń qaıda ótetini belgili bolǵan joq.