Ázerbaıjandaǵy prezıdent saılaýy: TMD baqylaýshylar mıssııasyn kim basqarady

Ázerbaıjan prezıdentin kezekten tys saılaýda Táýelsiz Memleketter Dostastyǵy atynan baqylaýshylar mıssııasyn bas hatshy Sergeı Lebedev basqarady, dep habarlaıdy Kazinform agenttiginiń menshikti tilshisi. 

Sergeı Lebedevtiń úmitkerligi Dostastyqtyń jarǵylyq jáne basqa organdary janyndaǵy TMD elderiniń turaqty ókiletti ókilderi keńesiniń sheshimimen kelisildi.

TMD baqylaýshylarynyń mıssııasy Ázerbaıjan Úkimetiniń shaqyrýymen saılaý naýqanyna monıtorıng júrgizedi. TMD Atqarýshy komıteti Dostastyq elderine óz ókilderiniń úmitkerlerin mıssııa quramyna qosýdy surap, shaqyrý jiberdi.

Ázerbaıjanda 2024 jyldyń 7 aqpanynda kezekten tys prezıdent saılaýy ótetinin eske sala keteıik. https://kaz.inform.kz/news/2024-zhili-azerbayzhanda-kezekten-tis-prezident-saylaui-oted-3caa41/

Qazirgi ýaqytta prezıdenttikke úmitkerler sany 17-ge jetti.

19 jeltoqsanda Ortalyq saılaý komıssııasy (OSK) Ilham Geıdar Oglý Álıevtiń kandıdatýrasyn «Enı Ázerbaıjan» partııasynyń atynan Prezıdent laýazymyna úmitker retinde tirkedi. Sondaı-aq ÁR Áleýmettik zertteýler ortalyǵy basqarmasynyń tóraǵasy Zahıd Orýdj jáne ÁR Mıllı Medjlısiniń VI shaqyrylym depýtaty Razı Nýrýllaev tirkelgen bolatyn.

26 jeltoqsanda talqylaý men daýys berýden keıin OSK prezıdent saılaýyna Sarvan Kerımov, Matlaba Mýtallımlı, Abýtalyb Samedov, Fıkret ıÝsıfov, ıÝsıf Bagırzade, Arzýman Abdýlkerımov, ıÝnýs Ogýz ben Gýlamgýseın Alıbeılıdiń, al 30 jeltoqsanda ózin ózi usynǵan Namızada Geıdar oglý Safarovtyń úmitkerligin bekitti.

Ázerbaıjanda keıingi prezıdent saılaýy 2018 jylǵy 11 sáýirde bolǵan. Onyń qorytyndysy boıynsha, memleket basshysy Ilham Alıev 86,22% daýys jınady. ıAǵnı, ony 3 192 mln adam qoldaǵan. Saılaýǵa qatysý kórsetkishi - 74,51%, jalpy 3,959 mln adam daýys bergen.