Ázerbaıjanda jer silkindi
ASTANA. QazAqparat - Seısenbide Ázerbaıjannyń Ismaıyl aýdanynda jer silkinisi boldy. Bul týraly Ázerbaıjannyń Tótenshe jaǵdaılar mınıstrligi málim etti, dep habarlaıdy «QazAqparat» HAA Trend agenttigine silteme jasap.
«Ázerbaıjan Ulttyq ǵylym akademııasy Respýblıkalyq seısmologııalyq qyzmetiniń aqparatyna sáıkes, 5 aqpan kúni 23:31-de Ismaıyl aýdanynyń aýmaǵyndaǵy Pırgýlý stansasynan ońtústik-batysqa qaraı 11 shaqyrym jerde jer silkinisi tirkeldi. Jer asty dúmpýiniń oshaǵynda 6 balǵa deıin, sol mańdaǵy aýdandarda 5,3 ball tirkeldi.
Zilzala saldarynan aýmaqqa keltirilgen zalal anyqtalyp jatyr. Artynan tolyǵyraq habarlanady», delingen habarlamada.
